«Profı Boks Kazahstana» onlaın-baspasy habarlaǵandaı, Danıar Eleýsinov resmı túrde kásipqoı boksshyǵa aınaldy. Rıodaǵy 2016 Olımpıada oıyndarynyń jeńimpazy, tanymal qazaqstandyq boksshy Danıar Eleýsinov (69 kg) jaqynda qurylǵan «MJA Entertainment’s» promoýterlik kompanıasymen kelisimshart jasasty.
Áleýmettik jelidegi toptardyń birinde Eleýsinovtiń kelisimshartqa qol qoıǵan fotosy jarıalandy.
Osynyń aldynda Danıar Eleýsinovten bólek, taǵy bir boksshy Ivan Dychkonyń jaqyn arada kásipqoı boksqa aýysatyny týraly habar BAQ betterinde jarıalanǵan edi. Eki boksshy da Almatydaǵy AIBA boks akademıasynda ótip jatqan oqý-jattyǵýǵa qatysyp jatqan joq.
