Ońtústik Koreıanyń 47 jasar turǵyny Qazaqstanda sheteldikterge jynystyq qyzmet kórsetetin oryn ashyp, ony karaoke–bar dep eldi aldap kelgen dep habarlaıdy Almaty qalasynyń İİD baspasóz qyzmeti. Koreıa turǵyny qala ortalyǵynan úlken jekejaıdy jalǵa alyp, kómekshisi retinde senimdi adamdardy jınaǵan. Onda tek sheteldikterge ǵana qyzmet kórsetilgen. Sáıkesinshe tólem sheteldik valútamen berildi.
Ońtústik Koreıa azamatyna jumys istegenderdiń kóbi QR azamattary. Olar astyrtyn áreketterdi jasyryn túrde júrgizý men qaýipsizdik sharalaryn qadaǵalaǵan. Máselen 45 jasar A. esemidi Almaty oblysynyń azamaty JSHS dırektory bolǵan jáne qyzmetkerlerdi qajetti zattarmen qamtamasyz etip, zańdyq jáne qarjylyq máselelerdi sheship otyrǵan. Al 51 jasar Jambyl oblysynyń týmasy «karaoke-barda» sekúrı qyzmetin atqarǵan. Onyń qyzmetine jekejaıdy kúzetip, tek senimdi adamdardy jiberý boldy.
Atalmysh qylmysta 29 jasar E. esimdi azamatshanyń da qatysy bar. Ol bardyń ákimshisi boldy. Onyń qyzmetine jynystyq qyzmet kórsetýshilerge kastıng jarıalap, irikteý júrgizip otyrǵan. Belgili bolǵandaı ony ózara «madam» dep ataıdy eken. Osy iske taǵy bir qyzdyń qatysy bar bolyp shyqty. 20 jasar P. esimdi qyz kasır bolyp jumys istegen. Arnaıy jedel sharalardy júrgizý barysyndaǵy belgili bolǵan málimetke saı ol klıentterden aqsha jınap otyrǵan.
«Atalmysh oryndaǵy jeńil júristi qyzdardyń qyzmeti 100 den 300 dollarǵa deıin barady» deıdi Almaty qalalyq İİD uıymdasqan qylmysqa qarsy kúres basqarmasyny polısıa polkovnıgi Erlan Oralbekov.
Sotqa deıingi tergeý amaldary QR qylmystyq kodeksine saı 309 baptyń 2 tarmaǵy boıynsha júrgizilip jatyr. Ońtústik Koreıa turǵyny ýaqytsha tergeý ızolátoryna toǵytyldy.
