Qytaılyq ǵalymdar Aıdan gelıı ızotobyn óndirip, ony aldaǵy ýaqytta termoıadrolyq reaktorlarda qoldanbaqshy. Ǵalymdardyń aıtýy boıynsha bul ádis Qytaıdyń energıa qajettiligin tolyqtaı qamtamasyz etedi, - dep habarlaıdy Baq.kz

Ǵalymdar Kúndegi termoıadrolyq reaksıalardyń saldarynan paıda bolyp, keıinnen ǵaryshta seıilip ketetin gelıı-3 ızotobynan energıa alýdy kózdep otyr. Gelıı-3 Jerge túspeıdi, sebebi jerdiń qalyń atmosferalyq qabaty onyń ótýine kedergi jasaıdy. Al Aıda gelıı-3 aı tozańymen aralasyp sonda qalady. Ǵalymdar bul baǵaly qospa Aıda 10 mıllıon tonnaǵa jetedi deıdi. Aı tozańynan gelııdiń ızotobyn jylytý arqyly bólip alyp, artynsha ol gazdy Jerge jiberý kózdelýde. Gelıı -3-ti óndirý baǵdarlamasy boıynsha jumys istep jatqan qytaılyq mamandardyń júrgizgen esepterine súıensek gelııdiń 0,02 gramy munaıdyń barreline teń energıa bólip shyǵaratyn kórinedi. Atalmysh toptyń jetekshisi Aıdaǵy gelıı ızotoby Jer turǵyndaryn aldaǵy 10 myń jylǵa energıamen qamtamasyz etýge jetetindigin aıtyp otyr. Búgingi kúni Qytaı álemdegi eń iri óndirýshi jáne energıany qoldanýshy el bolyp otyr. Qytaı úkimeti qorshaǵan ortany qorǵaý máselesine asa uqyptylyqpen qarap, onyń jumysyn kúsheıtýdi memlekettiń negizgi saıasatyna da engizip qoıǵan.

Qamshy-aqparat