Almaty oblysynda bir otbasy áskerge jibergen uldaryn tabytpen qarsy aldy. Shekara qyzmetinde áskerı boryshyn ótep júrgen 21 jastaǵy sarbaz óz-ózine qol salǵan. Al onyń jaqyndary úsh aıdan keıin úıine oralýy tıis jigit bul qadamǵa ózdiginen barǵan joq degen senimde. Shekara qyzmetiniń basshylyǵy bolsa, isti muqıat tekseremiz deıdi. Qaıtys bolǵan sarbazdy búgin jaqyndary jer qoınyna tapsyrdy.

Kókiregi sherge tolǵan áje kishkentaıynan baýyryna basqan nemeresin joqtap tur. Áskerı boryshyn óteýge attanǵan Abylaı Sydyqbektiń qaza bolǵanyna jaqyndary áli de sengisi kelmeıdi. Ata-anasyna telefon arqyly jıi habarlasatyn sarbaz kóktemde oralatynyn aıtqan. Al qaıtys bolardan bir saǵat buryn anasyna qońyraý shalypty.