QMDB Jańaózen qalasy ortalyq meshitiniń naıb ımamy Israfıl Begeı ýahabıler men salafıtterdi aýyr synady. Onyń synǵa alýyna sol sekta ókilderiniń jaqynda dúnıede ótken Abdýsattar Smanov týraly ǵaıbat dúnıeler aıtýy, Smanovtyń ǵalymdyǵy túgili musylmandyǵyna syn keltirgen aıyptaýlary sebep bolǵan.

Aıta ketetin bolsaq, QMDB-nyń ǵulamalar keńesiniń múshesi, OQO, «Saryaǵash» medresesiniń dırektory bolǵan Abdýsattar Smanov ustazdyń din salasynda jasaǵan eńbegi orasan. Smanov ótken jyly qarashanyń 28-inde dúnıe saldy. Onyń janazasyna 15 myńdaı adam jınalǵan bolatyn. 

Smanov Absattar Shákiruly 1966 jyly qarashanyń 5-juldyzynda Shymkent oblysy Saryaǵash aýdany, Lenın sovhozynda (qazirgi OQO Saryaǵash aýdany Jartytóbe aýyldyq okrýgi Yntymaq eldi-mekeninde) dúnıege kelgen. 1973 jyly M.I.Kalının atyndaǵy orta mektepke baryp 1983 jyly bitirdi.
1984 -1986 jyldary áskerı boryshyn ótedi.
1987 jyly erkin kúresten sport sheberi kandıdattyǵyn oryndady.
1987-1989 jyldary aralyǵynda Qajymuqan Muńaıtpasov atyndaǵy Saryaǵash balalar jáne jasóspirimder sport mektebinde qazaqsha kúresten jattyqtyrýshy bolyp qyzmet etti.
1989-1993 jyldar aralyǵynda Ózbekstan Respýblıkasy Tashkent qalasyndaǵy Imam ál-Buharı atyndaǵy Joǵary Islam ınstıtýtin úzdik dıplommen támámdady.
1995 –jyldan 2002 –jylǵa deıin «Taıaqty Eshan» meshiti janyndaǵy saýat ashý kýrsyn basqardy.
2002-2004 jyldary Abaı atyndaǵy Qazaq Ulttyq pedagogıkalyq ýnıversıtetiniń magıstratýrasyn úzdik bitirdi.
2004 -2010 jyldar aralyǵynda osy medresede saýat ashý kýrsyn basqardy.
2009 –jyldan beri QMDB janyndaǵy ǵulamalar keńesiniń múshesi.
2008 -2010 jyldar arasynda Quranı Kárimdi tolyq qazaq tiline aýdardy. Osy aýdarma hımıa ǵylymdarynyń doktory Dıas Myrzaqojanyń demeýshiligimen Malaızıada 2010 – jyly 10000 danamen basyp shyǵaryldy.2011-jyl mamyrdyń 7 –juldyzynda Almaty qalasy Parasat otelinde tusaýkeseri ótip, halyqqa tegin taratyldy.
2010- jyl sáýir aıynyń 29 –juldyzynda QMDB nyń tóraǵasy sheıh Ábsattar qajy Derbisáli hazret — Saryaǵash medresesiniń dırektory — etip taǵaıyndady.
17.05.2011 jyly «Rýhanıat»Halyqaralyq musylman ýnıversıtetiniń Ǵylymı keńesi — teologıa profesory — akademıalyq ataǵyn berdi.