Nú-Iorkte AQSH prezıdent saılaýynda jeńiske jetken Donald Trampqa qarsy mıtıń boldy dep habarlaıdy ria.ru. Oǵan qala meri Bıll de Blazıo, gollıvýdtyq juldyzdar -  Robert De Nıro, Mark Rýffalo, Aleks Boldýın, rejıser Maıkl Mýr, ánshi Sher qatysty. Myńǵa tarta adam boldy. Qarsylyq sherýi jańa prezıdenttiń ınaýgýrasıasyna bir kún qalǵanda ótti.

Olar respýblıkalyqtyń  Trump Tower shtab páterine jaqyn jerde jınaldy.

Tramptyń qarsylastary ınaýgýrasıany boldyrmaý úshin jappaı qarsylyq sherýlerin uıymdastyrmaq.

Robert De Nıro mıtıńtegi sózinde Tramptyń el úshin nashar úlgi ekenin aıtty.

Sahnadan «Biz qarsylyq tanytamyz. Sebebi másele biz úshin eń qymbat túsinikter jaıynda» degen sózder estildi.

​Aksıa WeStandUnited ("Biz birgemiz") uranymen ótti. Ol áleýmettik jelilerde de taralýda. Sherýge qatysýshylar Trampty násildik kemsitýshilik, dinı alaýyzdyq, ımıgranttardyń quqyǵyn qorǵap, medısınalyq saqtandyrý baǵdarlamasynyń qoljetimdiligi jáne klımatty ózgertýge kúresti qoldaýmen kelisýin qatań synǵa alyp otyr.

Ánshi Sher bolashaq prezıdentti álemdi ózgertetin, óz-ózine ǵashyq jan dep atady.

​Respýblıkalyq Donald Tramp ótken jyldyń qarasha aıynda prezıdenttik saılaýda jeńiske jetti. Osydan keıin AQSH-tyń iri qalalarynda myńdaǵan qarsylastary mıtıńige shyqty. Sherýdiń negizgi oshaqtary – Nú-Iork, Atlanta, Portlend, San-Dıego Kalıfornıa shtatyndaǵy jáne Mıchıgan shtatyndaǵy Roıal Oak.

Nú-Iorktegi sherýge qatysýshylardyń sany sársenbi kúni keshkisin myńdaǵan adamǵa kóbeıdi. Buǵan deıin qarsylyq aksıasynda 400-den astam adam bar dep habarlanǵan.

Nú-Iorktaǵy aksıaǵa qatysýshylar Manhetten ortalyǵyna shyqty. Ol jerden saılanǵan prezıdenttiń turatyn Trump Tower-ge qaraı júrdi. Demonstranttar «Bizdiń prezıdent emes!» dep urandatty.

Kalıfornıa shtatyndaǵy Oklend jáne Berklı qalalaryndaǵy respýblıkalyqtyń qarsylastary Trampty jańa prezıdent retinde qabyldaýdan bas tartty. Kóshege shyqty. Oǵan 200 adam qatysty.