Respýblıkalyq Donald Tramp resmı túrde AQSH-tyń 45-shi prezıdenti atandy dep jazady lenta.ru. Bul joly ınaýgýrasıa ultty biriktire almady. Vashıngtonda qarsylyq aksıalary ótti.
Prezıdent ınaýgýrasıasy kezinde demokrattardyń kóbi Vashıngtonnan ketip qalǵan. Sonymen qatar, úıleri men páterlerin de respýblıkalyq kelip ornalaspaýy úshin eshkimge jalǵa bermegen. Inaýgýrasıaǵa kelýden 70 kongresmen, senator jáne kóptegen demokrattar bas tartty.
Inaýgýrasıa kezinde qalanyń ár buryshynda jalaýlardy, Tramptyń sýreti basylǵan nemese onyń «Make America Great Again» urany jazylǵan fýtbolkalary satylyp turdy.
Desek te, qalada jańa prezıdent pen vıse-prezıdentke qarsy toptar da boldy. «Tramp-Pensa rejımine jol joq! Fashızmdi toqtatamyz!» urandarymen memlekettik qurylym jumysyn totatýǵa talpynǵandar da kezdesti. «Fashızmge» qarsy shyqqan adamdardyń sany 30-ǵa jýyq boldy. İri jáne kishigirim narazylyq aksıalary Vashıngtonnyń ár óńirinde ótip jatty. Biri jańa prezıdenttiń ekologıany qorǵaýǵa shaqyrsa, endi biri qyztekelerdiń quqyǵyn qorǵaýdy talap etti.
Tramp aınalasyndaǵy shýdy órshite túsýine ózi de sebepker boldy. Ol ınaýgýrasıaǵa bir apta qalǵanda twitter-de Hılları Klıntonda synap jazdy.
«Búroda Hıllarıǵa qarsy kóptegen aqparat boldy. Shyn mánisinde ol prezıdenttik saılaýǵa túspeýi kerek edi» dep jazdy Tramp.
Kóp uzamaı Klıntonnyń baspasóz hatshysy Trampqa jaýap jazdy. Ol Tramptyń ózine senimsizdiginen osyndaı sózderdi jazyp otyrǵanyn jetkizdi.
Inaýgýrasıaǵa deıin AQSH-ta kóptegen oqıǵalar oryn aldy. Máselen, CNN telearnasy «Tramp pen onyń jaqtastaryn ınaýgýrasıa kezinde óltirip tastasa ne bolady?» degen taqyrypta sújet jasap, shyǵardy.
Resmı shara Tramp pen onyń otbasynyń shirkeýge barýymen bastaldy. Tabaldyryqta olardy Dallase Robert Djeffres atty shirkeý qyzmetshisi qarsy aldy. BAQ onyń buǵan deıin birneshe arańdatýshylyq málimdemelerimen kózge túskenin jazdy. Onyń ishinde shirkeý qyzmetkerleriniń Islam týraly aıtqany da bar. Ol Islamdy shaıtan jasap shyǵarǵan din dep ataǵan.
Shirkeýden shyqqannan keıin memleket basshysymen onyń jaqyndary Barak jáne Mıshel Obamalar men birge shaıǵa shaqyryldy. Odan keıin Kapıtolıaǵa baryp júzdegen otandastarynyń aldynda ant berip, halyqtyń aldynda sóz sóıledi.
«Buǵan deıin dáýletti emes otbasylar qıynshylyq kórip keldi. Ýáde beremin, bul jaǵdaı túbirimen ózgeredi» dedi Donald Tramp.
Sonymen qatar, jańa prezıdent AQSH bıligi basqa elderge óz qalaýyn tańatyn saıasatyn ózgertetinin jáne ózge elder AQSH-tan úlgi alatyndaı saıasat júrgizetinin aıtty.
Kapıtolıadaǵy translásıa aıaqtalǵannan keıin telearnalarda Tramptyń aıtqandaryn synaǵan sarapshylardyń sózin berdi. MSNBC júrgizýshisi Krıs Metús jańa prezıdenttiń sózin Adolf Gıtlerdikimen salystyrdy. «Eń aldymen Amerıka» urany 1940 jyly ultshyldarmen áriptestik ornatqan amerıkalyqtardyń urany ekeni aıtyldy.
Vashıngton kóshelerinde tártipsizdikter oryn aldy. Inaýgýrasıadan keıin polıseıler 90 adamdy ustady. Olar ınaýgýrasıa bolatyn jerge adamdardy ótkizbeýi úshin kóshelerdiń birin jaýyp tastaǵan.
Jergilikti jýrnalıserdiń málimetinshe, astana kóshelerinde 500-den 1000-ǵa deıin tártip buzýshylar bolǵan. Olarǵa qarsy polıseıler arnaıy gaz qoldanǵan. Alaıda tártip buzýshylar sonda da taraspady.
Tramp prezıdenttik qyzmetiniń bastaýy ońaı bolmaıtynyn sezetin bolar. Jaqyn kúnderi el tarıhyndaǵy iri áıelder marshy ótpek. BAQ taratqan habarǵa saı kóptegen áıelder jolaýshy ushaǵymen Vashıngtonǵa kele jatyr. Júzdegen áıel keledi dep kútilýde. Tramptyń Amerıkany biriktirip, ony jańa uly elge aınaldyrý týraly ýádesinde tura alady ma? Sony baqylaý ǵana qaldy.
Avtor: Alekseı Naýmov (Vashıngton)
