30 jastaǵy Janar esimdi almatylyq qyz oń bosaǵada otyrýdan qoryqpaıtynyn aıtyp, turmysqa shyǵýdan bas tartty. Bul týraly Almaty arnasy habarlaıdy.

Boıjetken turmysqa shyqpaımyn dep kesip aıtýyna elimizdegi er-azamattardyń jaýapkershiligi joqtyǵyn sebep qylǵan.

"Turmysqa shyqqym kelmeıdi dep aıta alam. Qyzdar ne sebepti úılengisi kelmeıdi? Óıtkeni, turmysqa shyqqan soń, eki otbasy arasynda mindetti túrde kelispeýshilik oryn alady. Qyzynyń ómirine anasy aralasady nemese qudalar arasynda túsinispeýshilik bolady. Al, qatty janyma batatyn nárse - jigitterdiń jaýapsyzdyǵy", - deıdi Janar.

Janardyń úsh birdeı dıplomy bar. Ol zańger, jýrnalısıka mamandyqtaryn meńgergen.

"Men jigitterdi basynyp otyrǵan joqpyn. Biraq, kez kelgen ortada áıel adamdar shydamdy bolsa, erkekter álsizdik tanytyp jatady. Sýısıdke jaqyn keletin de er adamdar. Otbasyndaǵy qıyndyq kezinde erkekterdiń jaýapsyzdyǵy qatty baıqalady", - degen Janar jasy kelip qalsa da, turmysqa shyqpadym dep alańdamaıdy.

"Birden aıtaıyn, men jasym kelip qaldy, otyryp qaldym dep oılap, birinshi kezdeskenge turmysqa shyǵatyn adam emespin", - deıdi Janar.

Sońǵy derekter boıynsha elimizde 350 myńnan asta boıjetken oń jaqta otyryp qalǵan.