2017 jyldyń jazynda bolatyn EKSPO kórmesiniń logotıpi retind jasalǵan qýyrshaqtar halyq arasynda biraz talqyǵa túsip, nazarǵa ilikken bolatyn. Olardyń adam shoshytarlyq túrlerine jurt óz narazylyǵyn bildirgen. Alaıda, sol qýyrshaqtar qoǵamda órship turǵan máseleler jaıly án shyrqaýda. "Biz mundaı ómirdi kórmegenbiz" atty beınebaıanda elimizdegi máseleler zildi kekesinmen aıtylǵan.
Sonymen qatar "Depýtat bolǵym keledi" beınebaıany bıliktegi sheneýnikterge qaratylyp aıtylǵan zildi ázil ekeni kórinip tur.
Qazaqstandyq fýtbol oıynshylaryn qatań synǵa alǵan Nurtastyń ózi de EKSPO qýyrshaqtarynyń kekesinine ilikti.
Bıylǵy jyldyń qańtar aıynda qabyldanǵan jańa zań - ýaqytsha tirkeý máselesi de bul synnan kende qalǵan joq.
Jer máselesin toqalmen baılanystyryp, biraz daýǵa ilikken ánshi Qydyráli Bolmanovqa EKSPO-nyń Sáýle atty qýyrshaǵy ózin toqaldyqqa alýyn ótinýde.
