«Araq - Allanyń adal taǵamy». Muny túrkistandyq Nuráli Ámirálıev aıtty. 51 jasar Túrkistan turǵynynyń oıynsha araqty aram qylatyndar - qurandy túsinbeı oqıtyn molda, iship alyp, áıeldi uryp, jábir kórsetetin adam jáne kóshede iship, jatatyndar.

Nuráli Ámirálıev quranda jumaqta sharap bulaqtary bolatynyn jáne ony hor qyzdary jánnátqa túsken adamdarǵa  shelektep quıyp beredi dep jazylǵanyn alǵa tartty. 

Buǵan deıin de ol shýly málimdemeler jasap, halyqqa tanylǵan. Osydan biraz ýaqyt buryn Nuráli Ámirálıev  qala ákimine   Allamen tildesip, paıǵambarlyq dárejesin alǵanyn, bıliktiń onymen sanasyp, moıyndaýyn talap etip hat jazǵan.

"Alla taǵalamen tikeleı tildesken úshinshi paıǵambarmyn, maǵan bul úkim Jaratýshydan ýahı boldy" dep áli kúnge deıin aıtyp keledi. Onyń ákimge jazǵan haty ǵalamtorǵa shyǵyp, oǵan Qazaqstannyń túkpir-túkpirinen habarlasýshylar kóbeıgen. Onyń ishinde "óltiremin" dep qorqytqandary da bolǵan. Alaıda bul qorqytyp-úrkitýler 51 jastaǵy Nuráli Ámirálıev esimdi azamatty toqtatpaıtyn sekildi.