Bıyl Iemendi jappaı asharshylyq jaılaýy múmkin dep habarlaıdy 24.kz.
Búginniń ózinde 10 mıllıondaı turǵyn azyq-túlik tapshylyǵyn kórip otyr. Kópshiligi soǵys bastalǵaly toıyp tamaq ishpegen. Bul týraly Birikken ulttar uıymy Bas hatshysynyń gýmanıtarlyq máseleler jónindegi orynbasary Stıven O`Braıen málimdedi. Onyń aıtýynsha, ashtyq qursaýynda qalǵandardyń 2 mıllıonnan astamy býyny bekimegen bala. Olardyń jaǵdaıy kún sanap nasharlap barady. Elde turaqsyzdyq ornaǵan soń sheteldik qarjy ortalyqtary Iemen bankterimen jumys isteýdi doǵarǵan. Oǵan qosa syrttan keletin dári-dármektiń de jetýi qıyndady. Saldarynan sozylmaly dertke shaldyqqan naýqastardyń aýrýy asqynǵan. Soǵys bastalǵaly beri munda 7 jarym myń adam mert boldy. 40 myńnan astamy jaralanǵan. Qaqtyǵystardyń tyıylmaýyna baılanysty halyqaralyq uıymdar da turǵyndarǵa gýmanıtarlyq kómekti jetkizip bere almaı otyr.
