Ózbek azamatshasyn jaldamaly páterde ustap, jynystyq qyzmet kórsetýge májbúrlegen dep habarlaıdy nv.kz. Uıymdasqan qylmyspen kúres basqarmasynyń qyzmetkerleri Ózbekstan azamatshasyn jynystyq quldyqtan qutqardy.  Polısıaǵa belgisiz bireýden páterde Ózbekstan turǵynyn ustap, jynystyq qyzmet kórsetýge májbúrlegeni týrasynda aqparat kelip túsken.

Polıseıler arnaıy operasıa júrgizip, qyzdy quldyqtan bosatty. Belgili bolǵandaı, ony 30 jasar Shahtınsk turǵyny, 37 jasar Qaraǵandy jáne 27 jasar Almaty turǵyny quldyqta ustaǵan. Basynda qyzdy Almatyda jezókshelikpen aınalysýǵa májbúrlep, odan keıin Qaraǵandyǵa alyp kelgen.

Ustalǵan áıelderge qatysty 10 qylmystyq is qozǵaldy. Olar «Zańsyz túrde erkindigin shekteý», «Seksýaldy qanaý», «Adam saýdasy», «Jeńgetaılyq» sekildi aýyr qylmystar boıynsha aıyptalyp otyr.