WhatsApp messendjeriniń nemis qoldanýshylary Facebook kompanıasyn sotqa berdi dep habarlaıdy reactor.inform.kz. Olar WhatsApp qoldanýshylarynyń jeke aqparatyn saqtap, ony jarıa etetinin bilip, narazylyq bildirdi.

Atalmysh messendjer Facebook kompanıasyna tıesili. Alǵash ret ótken jyldyń tamyz aıynda WhatsApp qoldanýshylarynyń jeke málimetterin olardyń ruqsatynsyz taratqany belgili boldy.

Messendjer Facebook akkaýntyna tirkelgen. Sondyqtan áleýmettik jeli qoldanýshysynyń aty-jóni, telefon nomeri, týǵan jyly t.b aqaparatqa qoljetimdiligi bar.

Sarapshylardyń paıymdaýynsha osylaısha Facebook áleýmettik jelisinde baılanys telefonyndaǵy adamdar týraly aqparat paıda bolady. Nemis qoldanýshylary tutynýshylar uıymdarynyń Federasıasyna jeke málimetterin málim etkeni úshin  shaǵymdanǵan. Nátıjesinde sotqa shaǵym tústi. Onda Facebook-taǵy jeke aqparatpen almasý jasyryn bolǵanyn jáne jeli qoldanýshylarynyń ruqsatynsyz alynǵan málimetterdi óshirýdi talap etip otyr.

WhatsApp ókilderi tutynýshylyq kelisimde jeke málimetterdi jarıalaýǵa ruqsat etilgenin aıtyp otyr.