Ýkraınanyń Donesk oblysynyń resmı bıligi DHR sodyrlaryn Avdeevkadaǵy mektep pen stadıonda atys jasady dep  aıyptap otyr dep habarlaıdy bbc.com. Saldarynan birneshe adam kóz jumdy.

Oblys ákimshiliginiń basshysy Pavel Jebrıvskııdiń málimetinshe, stadıonda palataly qalashyq pen jylytý beketteri boldy. Al mektepte gýmanıtarly kómek qabyldaıtyn beket jumys istep jatqan.

Atysta eki beıbit turǵyn qaıtys boldy. Taǵy eki adam jaralandy.  

Ýkraınanyń Donesk oblysyndaǵy aýdandardy baqylaıtyndar Ýkraına áskerin Doneskidegi atysty uıymdastyrdy dep aıyptap otyr. Eki tarap bir-birin kinalaýda.

EYQU eki tarapta da zań buzýshylyq bar ekenin aıtady.

Ýkraına bıligi Avdeevkadaǵy jaǵdaı áleýmettik apattyń aldynda turǵanyn habarlady. Avdeevkadaǵy jaǵdaı jeksenbige qaraǵan túni ýshyǵa túsken. Dál sol ýaqytta sońǵy bir jarym aıda eń kóp adam mert boldy.  

Reseı prezıdenti Vladımır Pýtın janjaldyń tutanýyna Ýkraına sebepker boldy dep esepteıdi. Pýtınniń aıtýynsha olar ózderin osylaısha agresıa qurbany qylyp kórsetkisi keldi.

Al Ýkraına prezıdenti Petr Poroshenko kerisinshe Avdeevkadaǵy jaǵdaıdyń ýshyǵýyna reseılik sodyrlardy kinalaýda. Onyń sózinshe alǵash ret ýkraındyq ásker men beıbit turǵyndarǵa qarsy reaktıvti artılerıa qoldanǵan.