Qurmetti Atyraý oblysy ákimi Nurlan Noǵaev myrza! Bizder sizdi isker basshy, isker azamat retinde tanı bastadyq. Sondyqtanda, oıymyzdy esh búkpesiz aıtýǵa bel sheshtik. Bizder, 300 - ge jýyq jumysshylar, sizge aıtar úlken ýájimiz bar edi. Bizder, «Proekt Teńiz, kompanıa Sı-sı-sı de jumys jasaımyz. Basshymyz ıaǵnı, bas admınıstratorymyz (1976 jyly, jeltoqsannyń 2 shi juldyzynda dúnıege kelgen) Qazaqstan azamattyǵyn alǵan, Atyraýlyq Fadı Ál-Mustafa degen arab jigiti. Bul jigit osy kompanıada 18 jyl qyzmet etken. Minezi aqjarqyn, adam balasyna degen esh jamandyǵy, esh zymıandyǵy joq. Eshkimdi ultqa, rýǵa, aýyl-aýylǵa bólmeıdi, eshkimdi túr-sıpatyna, hal-ahýalyna baılanysty kemsitpeıdi. Bul basshymyzdyń bul salaǵa qosyp otyrǵan úlesi óte zor. Eńbek ótili, tájirıbesi mol, alyp júrgen óz qyzmetiniń qyr-syryn, búge-shúgesine deıin túgel biletin, óz mamandyǵyn ábden, jetik, erkin meńgergen durys jigit. Jumysshylarmen erkin til tabysa alady, sheber jumsaı alady, jaǵdaılaryna qaraılasady, muń-muqtajyn túsinedi. Biz bir-birimizben azamattyq turǵyda alǵanda óte jaqsy, óte salıhaly mámledemiz. Sol sebepti kompanıada jumys barysy oıdaǵydan da artyq júrýde. Tamaǵymyz toq, taza ári mol, jatyn bólmelerimiz, tósek-oryndarymyzǵa deıin muntazdaı tap-taza, spes kıimderimizge deıin bútin, der kezinde qoımadan jańasyn aldyrtyp aýystyrtyp otyrady. Jalaqy máselesi de bizdi qanaǵattandyrady. Biz qazir mundaı basshymyzdyń arqasynda tynysh, ári baqytty kún keshýdemiz. Bul basshymyz Astanadaǵy bir boks federasıasynyń qaryshtap damyp ósýine de atsalysyp, sponsor bolyp qarjy aýdaryp otyrǵan. Osy jaqyn arada «Sı-sı-sı» kompanıasynyń Astanadaǵy úlken basshysy Gazı Annýtı degen myrza aýysyp ornyna dırektor bolyp Hıshan Haýash degen arab azamaty kelgen. Endigi másele, Hıshan Haýash bizdiń qazirgi basshymyz Fadı Ál-Mustafanyń ornyna óziniń týysy (1981 shi jyly dúnıege kelgen, bul proektiden múldem habary joq, biletinderdiń aıtýy boıynsha qazirgi tańda Astana qalasynda iship-shegip, ómir rahatyna bólenip júrgen, kelse bul kompanıany jalǵastyrýshy emes, kerisinshe qoqytatyn) Mýhammed Haýash degen azamatty qoımaqshy. Sebebi, Fadı Ál-Mustafanyń osy aqpannyń sońynda kelisim sharty bitedi. Hıshan Haýash sol kelisimshartty uzartyp sozýdyń ornyna, sybaılastyqpen onyń ornyna Mýhammed Haýash degen óz týmasyn iz basar retinde bekitip qoımaqshy. Bulardyń kózdegenderi tynysh, beıbit túrde jumystyń júrýi emes, tek qana aqsha jasaý ǵana máselesi dep bilemiz. Bulardyń kózqarasynda «ár basshyny 3 jyldan artyq otyrǵyzbaý kerek, sebebi, halyqpen tym jaqyn ara-qatynasta bolyp ketedi». Sonda qara halyq, osy jerdiń ıesi qazaq halqy qul retinde me? Bolashaqta osyndaı nárselerdiń oryn alatynyn bilgennen soń bizdiń kóńil-kúıimiz túsip, narazy bola bastadyq. 300-ge jýyq jumysshy qol qoıyp, TSHO basshysyna hat joldadyq, alaıda, áli jaýap kelgen joq. Jazbasha jaýap kelmese de bular aýyzsha: «Biz bul iske aralasa almaımyz» dep otyr. Mysaly, osy kompanıanyń menedjer TB, jasy 70-ke kelgen aǵylshyn, qaltyrap, baltaqqa súıenip zorǵa júrgen Ken-Hatson degen kári shalynyń ústinen jumystan shyǵarý týraly shaǵym túsken. Sonda eline qaıtpaq bolǵan álgi shal TSHO basshysyna bir paraq hat joldaǵan. Hatyna baılanysty Ken-Hatson óz jumys ornynda máńgilik qaldy. Demek, jasaımyn dese qoldan keletin jumystar! Álde, bizde árkimniń quqy ártúrli qorǵala ma? Bizdiń aýyzbiriktirip óz ýájimizdi aıtqanymyz Hıshan Haýashqa unamaı qaldy. Hıshan Haýash ózi kórinbeı, qol astyndaǵy basshylary arqyly bizge qoqan-loqy jasaı bastady. Orynbasary etip Sısatov Rysqalı degen 70 ke kelgen azamatty aldy. (Bul kisi Atyraý oblysynda ákimdik qyzmetterin atqarǵan eken). Osy Rysqalı qazirgi tańda bar bolǵany (demokratıaly elde zań boıynsha aıtýǵa quqysy bar) óz ýájderin aıtqandardy jumystan shyǵaryp, kompanıany tazalaýǵa belsene kirisip ketti. Osy jeri bizdi qatty alańdatýda, bizdiń ashýymyzdy týǵyzýda. Estýimiz boıynsha, qazaqqa bolmasyn degen, tapa-taltúste qyzyl kitapqa engen urpaq murasy bolyp sanalatyn kıeli qustarymyzdy aýlap satyp kelgen Sırıalyq arabtardy da qolǵa túskende kómek berip bosatyp jiberdik emes pe? Al qazaqqa bolsyn deıtin mynandaı Fadı Ál-Mustafa sekildi birtýar azamattardy baǵalaı almaǵanymyz, ornyna ózgeni qoıyp shetke ysyryp tastaǵanymyz uıattaý bolyp qalar dep oılaımyz. Qurmetti Nurlan Noǵaev myrza! Bizdiń osy tolqýymyzdy durys baǵytta túsinip, bizge úırengen, qolynan is keletin, basshymyz Fadı Ál-Mustafanyń kelisim shartyn sozdyryp, osy salada basshy bolyp qala berýine buıryq berýińizdi suraımyz! Qolynan is kelmeıtin, erteńgi kúni qap urǵyzyp, jarǵa soqtyrar, eńbek ótili joq, bolashaqta da jumysshylarmen til tabysa almaıtyn, Hıshan Haýashtyń týysy Mýhammed Haýashty bul jerge basshylyqqa laıyqsyz dep esepteımiz. Soǵan jol bergizbeýińizdi suraımyz! Biz, qazaq eliniń meıilinshe damýyna, gúldenýine, turaqty tynyshtyqty ustap turýyna, ulttyń ult bolyp saqtalýyna, ózgelermen de túsinisip baqytty ǵumyr keshýimizge óz úlesimizdi qosyp, atsalysatyn jastarmyz! Bizder: «Aqshany kóterińder, bizge óıt, bizge búıt» deýden aýlaqpyz, biz bar bolǵany basshymyz Fadı Ál-Mustafany bul saladan ózgertpeýińizdi suraımyz! Bir mezgil jumysshylar únine de qulaq assańyzdar demekpiz!

Qurmetpen, «Sı-sı-sı» kompanıasynyń 300-ge jýyq jumysshylary! 

1.02.2017.