Bul týraly keńeıtilgen Úkimet otyrysynda QR Investısıa men damý mınıstri Jeńis Qasymbekov málimdedi dep habarlaıdy kursiv.kz. .

Jeńis Qasymbekovtyń sózinshe transport salasyndaǵy fızıkalyq ólshem 103,8% qurady. Al Qazaqstannyń logıstıkasynyń tıimdiligin sarapqa salatyn  halyqaralyq reıtıńte elimiz 88-shi orynnan 77-shi orynǵa kóterildi. Osylaısha TMD elderiniń arasynda eń úzdigi atandy.

«Eýropa Odaǵy elderine ushýǵa barlyq shekteýler alynyp tastaldy. Astana qalasynda EKSPO-2017-ge keletin týrıserge qyzmet kórsetetin áýe reısterin kóbeıtetin «Ashyq aspan» jobasyn iske asyrý josparda bar» dedi mınıstr.

QR Investısıa men damý mınıstrliginiń málimetinshe, «Nurly jol» baǵdarlamasynyń aıasynda respýblıkalyq mańyzy bar 913 shaqyrym jol ashyq. Bul josparlardy iske asyrýǵa 75 myń adam tartylady. Osy jyly 4,4 myń shaqyrym jerde jumystar atqarylady. Oǵan 100 myń jumys kúshin tartý josparda bar.

Mınıstrdiń sózinshe jyldyń aıaǵyna deıin 600 shaqyrym jer ashyq bolady. 2020 jylǵa qaraı 6 myń joldy aqyly qylý josparda bar. Onyń 700 shaqyrymy 2017 jyly bitedi.