Bir jyl buryn yrymshyl ata-analary tastap ketken nıgerıalyq balany Aná Rıngren Loven dattyq qaıyrymdylyq uıymy qutqaryp qalǵan. Sol bala mektep tabaldyryǵyn attady.

2016 jyldyń qańtar aıynda Lovenniń ábden álsiregen balaǵa sý ishkizip turǵan fotosy jelige taralyp ketken. Balanyń týystary onyń syıqyrshy dep kúdiktenip úıinen qýyp jibergen.

Dattyq Loven kúıeýimen Nıgerıanyń ońtústik-shyǵys bóliginde ashqan balalar úıine Hoýp ornalastyrylǵan.

 Lovenniń balalar úıine bireý habarlasyp, Hoýp týraly aıtyp bergen. «Balanyń jasy 2-3-te ekenin bilgende, birden iske kiristik. Kishkentaı balalar kóshede kóp ómir súre almaıdy» deıdi Loven. Olar balany tapqan. Ol toıyp tamaq jemegennen aýyryp júrgen. Al onyń aǵzasy qurtqa tolyp ketken eken.

Osy jyldyń 30-shy  qańtarynda Loven bir jyl burynǵydaı sý ishkizip turǵan fotosyn jarıalady. Odan 12 aıda salmaq jınap, ósip qalǵan balany baıqaýǵa bolady. Bala ádemi kıingen.

«Álem Hoýp esimdi kishkentaı bala týraly bir jyl buryn bilgen edi» dep jazdy Loven óziniń Facebook paraqshasyna.