Rea esimdi totyqus ótken jyldyń kúzinen beri áleýmettik jelillerdiń juldyzyna aınaldy. Aýryp qalǵanyna baılanysty, taz totyqus qaýyrsyndarynan aıyrylyp qalǵan edi. Bostondyq 23-jastaǵy Izabella Aızenman totyqusty asyrap aldy, dep habarlaıdy Joinfo.ua saıty.
Óziniń pishimi kelispeıtin usqynsyz túrine qaramastan, totyqus meıirimdiligimen, eshbir adamdy jatyrqamaıtyndyǵymen jáne kóńildi minezimen erekshelenedi. Izabella Aızenman alǵashynda áleýmettik jelilerge totyqusynyń qyzyqty sýretterin shyǵaryp júrgen. Áleýmettik jeli qoldanýshylary Reanyń bastan keshken oqıǵasyna beıjaı qaraı almaı, qaýyrsyndarynan aıyrylǵan totyqusqa kishkentaı jempirler jibere bastady.
Tabynýshylary jibergen jempirlerdi kıgende, Reanyń ózine degen senimi arta túsedi. Qanattaryn jaıyp usha almasa da, árdaıym úıdiń ishinde júgirip júredi. Tipti, ándetýge de tyrysady eken.
