Shymkent qalasynyń ákimi avtokólik ıeleriniń jaǵdaıyn jasap endi álek bolmaımyz dedi dep habarlaıdy «Qamshy» portaly. Jergilikti «Otyrardyń» orys tildegi aqparatyna súıensek, Ǵabıdýlla Ábdirahymov myrza merdigerlermen bolǵan jınalysta kólik keptelisi máselesin qozǵapty. Baıtursynov kóshesi Shymkenttiń eń kóp mashına júretin kóshesi eken. Soǵan qaramastan Shymkenttiń ákimi atalmysh kósheni keńeıtýden bas tartty.
«Baıtursynov kóshesindegi kepteliste turýdy unatpaǵan júrgizýshiler úshin biz aǵashtardy kesip, mashına júretin jerdi keńeıtpeımiz. Qajet bolsa, úıinen jarty saǵat buryn shyqsyn da jaıaý júrsin ne qoǵamdyq kólikke, velosıpedke otyrsyn. Keptelisten júıkesi juqarsa, jaıaý júrip taza aýa tynystaıdy. Turaqtaıtyn jer izdemeıdi ári janarmaıǵa aqsha shyǵyndamaıdy. Qala men aýyldyń aıyrmashylyǵy nede? Estetıkasynda ıakı syrtqy sulýlyǵynda. Biz jaıaý júrginshilerdiń jolyn ádemilep, qalany abattandaryp, onyń sáýletimen aınalysýymyz shart. Bekerden beker joldy keńeıte bermeı...» dedi qala ákimi Ǵabıdýlla Ábdirahymov.
