Qazaqstandyq boksshy Qýat Naıman Albert Raýdyń májilis depýtaty bolyp saılanýyna qatysty óz pikirin ınstagram áleýmettik paraqshasyna jarıalady dep habarlaıdy qamshy.kz. 

"Taǵy bir depýtat! Depýtattar qandaı eńbegi úshin atalmysh laýazymdy ıelenetinin túsindiretin adam bar ma!? Olardy bir kúnde depýtat qylatyndaı ne istedi? Barshamyz depýtattardyń halyq úshin eshqandaı paıda ákelmeıtinin jaqsy bilemiz. Bul jattyǵý zalynda bir rette bolmaı, chempıon atanýmen para-par! Bizdiń elde 16 mıllıon halyq turady. Onyń jartysy Máskeý, jartysy Shanhaı. Ár kez jańa máselemen betpe-bet kelip, ony top bolyp sheshe almaıdy. Iaǵnı, bul qalalardyń merleri bizdiń barlyq sheneýniktermen salystyrǵanda óz jumystaryn jaqsyraq jáne nátıjelirek atqaratyn bolyp tur ǵoı! Olar qalanyń ataýyn ózgertýdi, esh paıdasy joq ǵımarattarǵa bireýdiń esimin berýdi oılamaı, halyqqa paıdasyn tıgizýdi maqsat  tutýy qajet. Men besinshi jyl qatarynan Taılandta jattyǵyp júrmin. Osy ýaqyt aralyǵynda onda nan, janarmaı, azyq-túlik baǵasy bir teńgege de qymbattamady! Al Taılandta munaı da, altyn da joq.

Bizdiń elde jyl saıyn jaǵdaı nasharlap barady. Qymbatshylyq. Myńdaǵan týystarymyz shetelge kóship jatyr. Árkez kresloda otyrǵan bireý mıllıondaǵan qarjyny jymqyryp, shetelge qashyp jatyr. Onda munyń barlyǵy ne úshin qajet?

Bir top paıdasy joq depýtattardyń kimge jáne ne úshin qajeti bar? Nege? Men qarapaıym sportshymyn jáne atalmysh máselelerdi kóremin, baıqaımyn. Olardy saǵattap tizimdeýge bolady. Al bul adamdar nelikten olardy kóre almaı otyr? Kishkene ǵana halyqtyń ómirin qalaısha jaqsarta almaı otyr?

Men bala kezimnen  bir adam kóp nárseni ózgerte alatynyna senetinmin. Ázirshe ondaı adamdy kórmedim. Kimde-kim depýtattardan paıda bar dese, ózime qol jumsaýǵa daıynmyn" dep jazdy Qýat Naıman.