Balasy bar adamdar, balasy joq adamdarǵa  qaraǵanda uzaq ómir súredi eken dep habarlaıdy «Qamshy» portaly. Bul týraly shved ǵalymdary júrgizgen zertteýlerden belgili bolyp otyr. Ǵalymdar bir jarym mıllıon adam arasynda zertteý júrgizgen. 1911-1925  jyldar aralyǵynda týylǵan, búgingi kúni jas mólsheri 60-qa taqaǵan áıelder men er adamdar arasynda zertteý júrgize kele, olardyń ishinde joq degende bir balasy barlar, múldem balasy joqtarǵa qaraǵanda uzaq ómir súrgen.

Osy jyldary ómir súrgen adamdardyń (balasy bar jáne balasy joq) ómir súrý kezeńin, ýaqytyn, mólsherin baqylaǵan. 80-ge taıaǵan shaqta balasy bar er adamdardyń qanjyǵasynda áli 7 jyl 8 aıy bolǵan, al balasyzdarda tek jeti jyl bolǵandyǵy dáleldengen. Al áıel adamdarda bul kórsetkishter 9 jyl men 6 aı, balasyz áıelder  8 jyl 11 aı bolǵan. Iaǵnı balasy bar adamdar ómir sońynda balasy joqtarǵa  qaraǵanda 1-2 jyl artyq ómir súrgen.

Zertteý nátıjelerinde uzaq ómir súrýdiń syry balalar ekendigi naqty dáleldenbese de, eń mańyzdy qorytyndy mynadaı bolǵan:

Qartaıǵan ata-anaǵa balalarynyń tarapynan kórsetilgen kómektiń arqasynda, atap aıtqanda qarjylaı kómek, sonymen birge moraldik qoldaý t.b kórsetý nátıjesinde  olar uzaq jasaǵan. Jáne de balasy joq adamdar kóbine-kóp zıandy áreketterge salynyp, densaýlyqtaryna qaramaı ketetinin eskersek, adamdardyń ómir súrý uzaqtyǵy tikeleı ózderine degen qarym-qatynastaryna baılanysty ekenin atap ótken jón.