Búgin QR Premer-Mınıstri Baqytjan Saǵyntaev pen QR Prezıdenti ákimshiligi basshysynyń birinshi orynbasary Marat Tájın jumys saparymen Aqtaý qalasyna bardy, onda oblys máslıhatynyń kezekten tys sesıasyna qatysty. Bul týraly Qamshy.kz Premer-mınıstrdiń saıtyna siltep habarlaıdy.
Otyrys barysynda Premer-Mınıstr B. Saǵyntaev máslıhat depýtattaryna baǵyttalǵan, oblys ákiminiń laýazymyna Toǵjanov Eraly Luqpanulynyń kandıdatýrasyn usyný týraly Memleket basshysynyń hatyn oqyp berdi.
Depýtattar biraýyzdan Prezıdent usynǵan kandıdatýrany qoldady.
Eraly Luqpanuly buǵan deıin Qazaqstan halqy Assambleıasy Tóraǵasynyń orynbasary, Qazaqstan halqy Assambleıasy Hatshylyǵynyń meńgerýshisi bolǵan.
Saıasattaný ǵylymdarynyń doktory.
1963 jyly 13 mamyrda Batys Qazaqstan oblysynda dúnıege keldi.
Joǵary bilimdi: E.A. Býketov atyndaǵy Qaraǵandy memlekettik ýnıversıtetinde (1983-1988 jj.), Quqyqtaný.
QR Ǵylym Akademıasynyń Memleket jáne quqyq ınstıtýty (1991-1994jj.), zańger.
Keńes odaǵynyń ásker qatarynda qyzmet etti.
1991 jyldan 1998 jylǵa deıin E.A. Býketov atyndaǵy Qaraǵandy memlekettik ýnıversıtetiniń Memleket jáne quqyq teorıasy men tarıhy kafedrasynda oqytýshy.
1994-1996 jj. QR Ǵylym Akademıasynyń Memleket jáne quqyq ınstıtýtynda ǵylymı qyzmetker.
1996 jyldan bastap Qazaq gýmanıtarlyq zań ýnıversıtetiniń Memlekettik qyzmet jáne halyqaralyq quqyq fakúltetiniń aǵa oqytýshysy, dekan orynbasary qyzmetin atqardy.
1994 jyldan bastap atalǵan ýnıversıtettiń halyqaralyq quqyq fakúltetiniń dekany boldy.
1999 jyly fılıal dekany, 2001 jyly Astana qalasynyń Qazaq gýmanıtarlyq zań ýnıversıtetiniń Quqyq jáne memlekettik qyzmet ınstıtýtynyń dırektory bolyp taǵaıyndaldy.
2001-2006 jj. Qaraǵandy oblysy ákiminiń orynbasary.
2006-2008 jj. Qazaqstan Respýblıkasy Ádilet mınıstrligi Din ister komıtetiniń tóraǵasy bolyp jumys istedi.
2008 jyldyń qańtarynda Qazaqstan Respýblıkasy Prezıdenti Ókimimen Qazaqstan Respýblıkasy Prezıdent Ákimshiliginiń Qazaqstan halqy Assambleıasy Hatshylyǵynyń meńgerýshisi bolyp taǵaıyndaldy.
Memlekettik marapattary jáne qurmetti ataqtary bar. 2 deńgeıli «Dostyq» ordeni jáne «Eren eńbegi úshin» medalimen marapattalǵan.
