Allanyń qudyrettilignde shúbá joq. Polshanyń Vroslav qalasyndaǵy aýrýhanada anasy 55 kún buryn qaıtys bolǵan sábı týyldy. Bul týraly tengrinews.kz jańalyqtar qyzmeti  GAZETA WROCŁAWSKA saıtyna silteme jasaı otyryp habarlady. "Sábıdi dárigerler ishten jaryp aldy. Bul - búgingi tańdaǵy tehnologıanyń arqasynda múmkin bolyp otyrǵan ǵajaıyp", - deıdi jergilikti dárigerler. Basylymnyń málimetinshe, 41 jastaǵy júkti áıeldiń mı obyrymen aýyrǵan. Júktiliginiń 17-shi aptasynda onyń densaýlyq jaǵdaıy kúrt nasharlap, aýrýhanaǵa túsken edi. Keıin onyń mıynyń ólimi tirkeldi. Ony qutqarý múmkin bolmaǵan. Alaıda naýqastyń júregi soǵyp turǵandyqtan, dárigerler sábıdiń ómirine arasha túsýdi oılaıdy.   

Mamandar eki aıǵa jýyq ýaqyt boıy anasynyń aǵzasynyń ómirlik mańyzy bar fýnksıalaryn baqylap otyrdy. "Biz mundaıdy ádette bir-eki kún boıy ǵana jasaımyz, biraq dál osy jaǵdaıda esh tájirıbemiz bolmasa da birneshe aptaǵa deıin ómirin sozý kerek boldy", - deıdi anestezıologıa jáne ıntensıv terapıa kafedrasynyń meńgerýshisi Andjeı Kúbler.

Sóıtip, sábı bir keli salmaq bolyp týyldy. Sábıdi týystaryna tek eki aıdan keıin berý múmkin bolypty. Onyń densaýlyǵy jaqsy. Qazirgi ýaqytta ony ákesi baǵyp otyr.