Aqmola oblysynda alaıaqtyq azaıar emes. Ońaı oljaǵa kenelgisi keletinder kóbine qarıalardy aldap soǵady eken. Osyndaı qylmystardyń taǵy biri 16 naýryz kúni Esil aýdanynda áshkere boldy, dep habarlaıdy habar arnasynyń jańalyqtar qyzmeti.

Tártip saqshylarynyń aıtýynsha, 93 jastaǵy ájeıdiń úıine belgisiz 2 áıel kelip, ózderin áleýmettik qyzmetkermiz dep tanystyryp: «Eski banknottaryńyzdy jańasyna aýystyryp beremiz», – dep, zeınetkerdiń jyldar boıy jınaǵan 700 myń teńgesin alyp ketken.  Qazir eki kúdikti qamaýǵa alynyp, qylmystyq is qozǵaldy. Aqmola oblysynda byltyr 200-den astam alaıaqtyq deregi tirkelse, bıyl 88 adam alaıaqtardyń qurbany bolǵan

Gúlnár Pınchýk, oblystyq İİD baspasóz hatshysy:

- Alaıaqtyqtyń túrleri óte kóp bolyp tur. Ózderiniń quıtyrqy áreketin iske asyrýdy oılaıtyn olar túrli keıipke enip, qarttardy aldap ketip jatyr. Biz qarıalarmen túsindirý jumystaryn júrgizemiz. Baspasóz betterinde de bul týraly qulaǵdar ettik. Degenmen ne nársege bolsa da, sengish keletin úlken kisiler alaıaqtardyń quryǵyna túsip qalyp jatyr.