Ataqty fýtbol quramalarynyń jattyqtyrýshycy bolyp júrgen Hıdır Akbash Qazaqstanǵa kóship kelip, qazaqstandyq fýtboldyń órleýine atsalyspaqshy. Bul jaıynda jattqytyrýshy Vesti.kz tilshisine bergen suhbatynda aıtyp qaldy.

Akbash álemdegi eń úlken Deutsche Sporthochschule sporttyq mektepti támamdaǵan. Doktorlyq dárejesi men álemniń kez-kelgen núktesinde jattyqtyra alatyn múmkindikke ıe ÝEFA lısenzıasy bar.

Birneshe jyl Túrkıanyń fýtbol komandasyn jattyqtyrdy. Germanıada jumys istep júrgen ýaqytta Almatylyq qazaq arýǵa úılendi. Búgingi kúni mektep oqýshylaryn jattyqtyryp júr.

«Men álemdik masshtabtaǵy fýtbolǵa qyzyǵamyn. Fýtbol jaıynda bar aqparattan habardarmyn. Sondaı-aq, Qazaqstandaǵy fýtboldyń dárejesin bes saýsaqtaı bilemin jáne qazaqstandyq quramany jattyqtyrǵym keledi. Nege deseńizder, áıelim qazaqstandyq, sol jerde jumys istegen ózime de yńǵaıly bolady. Meniń aqparatym boıynsha, Qazaqstanda fýtbol óte tómengi dárejede, tipti damymaı bir orynda qatyp qalǵan. Meniń maqsatym – álsiz komandalardy alǵa súırep, jetistikke jeteleý. Alaıda, potensıal bar, tek myqty fýndament kerek. Aıta keterligi, meniń ultym – túrik. Qazaqstandyqtar nemis, goland mamandarymen jumys istegendikten bir-birin túsine qoımaǵan shyǵar. Al, men qazaqtarǵa bir taban jaqynmyn. Sondaı-aq, úlken tájirıbem bar. Kelndegi eń myqty sport mektebin bitirgenmin. Kóp adamdarmen jumys istedim, kóp komandalardy jattyqtyrdym», -  dep pikirin bildirdi Germanıalyq jattyqtyrýshy.