(Túngi áńgime)
Iá, áni, mini dep júrgende el de jatyp qalypty. Quranda aıtylǵandaı tún de adamdar úshin ǵajap nárse. Adam bolǵan soń bári de uıyqtaıdy. Uıqynyń ózi bir nyǵmet. Keıbir jyldar boıy uıyqtamaıtyndar bolady. Al ol - dert. hám túnde Allaǵa qulshylyq qylý úshin uıyqtmaıtyndar bolady. Iá, tún pendeni Allaǵa kúndizden qaraǵanda qulshylyq arqyly tez jaqyndatatyn mańyzdy sep bolatyn nárse. Áıtkenmen Allanyń áýlıe quldary da uıyqtaıdy. Dúnıe solaı jaratylǵan. Ál-qıssa:
Hazireti Rabıǵa birde tún boıy qulshylyq etip tań atqanda uıqyǵa ketedi. Osyny ańdyǵan bir ury kelip úıine túsedi. Ol onyń úıindegi qattalyp jınalǵan kıimin alyp esikten shyǵyp ketpek boldy. Biraq qansha izdese de esikti taba almaıdy. Aqyry bolmaǵan soń kıimin jerge qoıǵanda esikti taba ketedi. Ol osyny úsh márte qaıtalaıdy. Bir kezde úıdiń bir buryshynan: Kıimdi qoı da úıden shyǵyp ket. Qul uıyqtaǵanmen onyń Iesi uıyqtamaıdy» - degen daýys estiledi.
Iá, uıyqtamaıtyn Bireý bar. Ol - Haq Taǵala. Óıtkeni uıyqtaý, qalǵý, múlgý, otyrý, kóterilý, túsý, týý- týylý jaratylǵanǵa tán nárse. Alla Taǵala jaratylysqa uqsamaıdy. Jaratylys ataýlydan pák, sol jaratylystyń ıesi - Qudaı Taǵala qashan da Óziniń súıikti quldaryna súıeý, tirek, dos bolmaq. Iá, dos izdegenge shynaıy dos - Alla ǵana bolmaq. Al Ol qulyna dos bolsa kúlli dúnıe sol qulyna dos bolyp quraq ushpaq. Ánsheıinde bireý basshy, patshamen dos bolsa eldiń bári soǵan jyly shyraı tanytyp, jaqyn bolýǵa tyryspaıtyn ba edi?!. Ýás-sálám.
Muhıtdın Isauly. (Facebook-tegi paraqshasynan)
