Rıversaıdyń Kalıfornıa ýnıversıtetiniń hımıkter toby ózdiginen qalpyna keletin elektr toǵyn ótkizetin materıal jasap shyǵardy. Ony smartfondardyń dıspleıine qoldanýǵa bolady dep habarlaıdy «Qamshy» aqparattyq agenttigi Business Insider-ge silteme jasap.

Zertteý jumystarynyń avtory Chao Van (Chao Wang) 253-shi Amerıkandyq hımıalyq qoǵamdastyqtyń kórmesinde materıaldyń qatty soqqyǵa tózimdiligi men syzyqtardy túsirmeıtinin aıtty. Sonymen qatar, ol óziniń alǵashqy uzyndyǵynan 50 esege deıin uzara alatyn qasıetke ıe.  

Materıaldyń negizi nekovalentti baılanys, ıaǵnı ıon-dıpoldi árekettestikten turady. Sondyqtan, eger ol zaqymdansa nemese synsa ıondar men molekýlalar bir-birin tartyp, syrtqy qabatyn qaıta qalpyna keltiredi.