Qazaqstandyq Maksım Aryshev Sankt-Peterbýrg metrosynda bolǵan joıqyn jarylysta kóz jumǵan bolatyn. 20 jastaǵy Maksım Sankt-Peterbýrg memlekettik ekonomıkalyq ýnıversıtetiniń 3 kýrsynyń stýdenti ekendigi anyqtalǵan edi. Al búgin jarylys ornynda ıaǵnı «Sennaıa ploshad» stansıasynda eskertkish taqtaıshasy ornatylatyn bolady dep habarlaıdy «Qamshy» aqparattyq agenttigi. Bul jaıynda Makımniń dosy Roman Zedelashvılı óziniń «vkontakte» áleýmettik jelisindegi paraqshasynda jazba qaldyrdy. «Aryshev Maksım Vıtalevıch. 18.08.1996 j. - 03.04.17 j. Maǵan baýyr bolyp etken adam ári jaı ǵana jaqsy azamat. Tynyshtyǵymyz men berekemizdi ketirgen osy bir birneshe saǵat kezinde Maksımdi jaı tanıtyndar men dostary kóp jazdy. Barlyǵy Maksımmen qalaı qoshtasamyz, qandaı kómek bere alamyz dep surady. Barshańyzǵa aıtarym: qoldaýlaryńyzǵa kóp raqmet! Búgin ıaǵnı sáýirdiń 5-si kúni keshki saǵat segizde «Sennaıa ploshad» stansıasynda eskertkish taqtaıshasy ornatylatyn bolady».

Sonymen qatar Maksımniń dosy Iýrıı Romanov onyń ólimine oqý ornyn da kinálap otyr. Onyń aıtýynsha, tártip saqtalynyp, eshkim sońǵy pardan qashyp ketpegende Maksım de tiri qalatyn edi. Sebebi sol kúni Maksım tórtinshi parǵa qatyspaımyn dep sheship, kúndelikti ádet boıynsha metroǵa otyryp úıine qaıtpaqshy bolady. «Bizde segiz adam ǵana sabaqqa baratyn. Bylaısha aıtqanda, Maksım sabaqty jaqsy oqyǵandyqtan qaıtys boldy» deıdi Iýrıı.