Aqmola oblysynyń Sandyqtaý aýdanynda Kalgarı q. XV  Olımpıada oıyndarynyń kúmis júldegeri Vladımır Sahnovtyń qurmetine dástúrli «Aq marafon» ótti – dep habarlaıdy "Qamshy" aqparattyq agenttigi Aqmola oblysynyń Óńirlik komýnıkasıalar qyzmeti habarlaıdy.

Júgirý jyl saıyn  tanymaldylyǵyn arttyrýda, bıylǵy jyly jarysqa qatysýshylardyń sany aldyńǵy jyldarǵa qaraǵanda artty: jarysqa 5 – ten 50 km deıin ár túrli jastaǵy úsh júzden astam sportshylar qatysty.

Shańǵy sportynyń áýesqoılary jáne belsendileri Aqmola, Qaraǵandy, Qostanaı, Soltústik-Qazaqstan, Shyǵys Qazaqstan, Aqtóbe jáne Pavlodar oblystarynan  keldi. 

Aqmola oblysynyń Sandyqtaý aýdanynyń sportshylary jaqsy nátıje kórsetti. 30 kılometr qashyqtyqta birinshi oryndy Roman Eremın ıelendi,  20 kılometr qashyqtyqta Olga Mandrıka, 10 kılometrde Gúlsına Kadırova  «altyn» ıelendi.  Vladımır Eremın 10 kılometr qashyqtyqta chempıon atandy.

Erık Shefer men Lúbov Onıshenko komanda boıynsha joldastarynyń jetistikterin qaıtalady. Eki sportshy 5 kılometr qashyqtyqta ózderiniń júldelerin aldy.