Apple Mac Pro jumys stansıasynyń múldem jańa «tolyqtaı qaıta oılastyrylǵan» modelin jobalap otyr.
Kompanıanyń marketıń boıynsha aǵa vıse-prezıdenti Fıl Shıllerdiń jýrnalısermen kezdesýinde habarlaǵanyndaı, kompúter ózin jeńil jańartatyn modýldik jobalaýǵa ıe bolady.
«Maktyń» odan basqa «professıonaldy» ónimder býyny buǵan deıin bas tartyp kelgen jańa syrtqy ekranmen tolyǵady. Shyǵarylym kelesi jylǵa josparlanǵan. «Jańa Mac Pro jasaý aıasynda — modýldik júıe bolyp tabylatyn Pro dıspleıi de jasalady, biz jumys prosesindemiz, bulardy bıyl kóre almaısyzdar», - dedi Shıller.
«Biz ózimizdiń professıonaldy qoldanýshylarymyzǵa tamasha birdeńe jasaımyz» degen Shıler jýrnalıserdiń «Jańa shyǵatyn Mac Pro-da Microsoft-tiń Surface Studio-syndaǵydaı sensorly ekran bola ma?» degen suraǵyna top-menedjer bolymsyz jaýap berdi.
Apple Mac Pro-ny 2013 jyly túpkilikti jańalaǵan bolatyn. Kompúter qýatty apparatty uıashyq pen qara sılındr munaraǵa uqsas jańa dızaınǵa ıe bolǵan. Osylaısha jetildirilgen Mac Pro-nyń kólemi burynǵysynay 1/8 ese kishireıgen.
Kelesi jyly shyǵatyn kompúterdiń konfıgýrasıasyna kelsek, ol Intel Xeon atty 6 ıadrolyq prosesorly, AMD FirePro D500 atty 2 vıdeokartaly jáne16 GB operatıvti jady bar bolyp, baǵasy $2999 quraıtyn bolady. Al, 8 ıadrolyq chıpti, eki D700 vıdeokartalysy bolsa $3999 baǵada satylatyn bolady. Kompanıa sondaı-aq, bıylǵy jyldyń aıaǵyna deıin kompúter-monoblok iMac-ti de jańalaýǵa ýáde etti.
