Brazılıada tańqalarlyq jaǵdaı oryn aldy. Eki jastaǵy Kelvın Santos esimdi búldirshin aýrýhanada pnevmonıadan kóz jumǵan bolatyn. Alaıda búldirshindi aqtyq saparǵa shyǵaryp salý kezinde bala tirilip ketken, dep habarlaıdy «Qamshy» aqparattyq agenttigi sheteldik BAQ-qa silteme jasap.

Balamen qoshtasýǵa kelgen týystary bolǵan jaıtqa qatty tań qalǵan. Degenmen, bala uzaq ýaqytqa shydamaı, jan tapsyrdy. Balanyń ata-analary dárigerlerdi sotqa bermek. Sonymen qatar Santospen bolǵan oqıǵa áýletterinde birinshi ret bolmaǵan eken.

Bala aýrýhanada kóz jumǵannan keıin, dárigerler onyń denesin týystaryna tapsyrǵan. Jerleý rásimi bastalǵanǵa deıin ol óziniń úıinde ashyq tabytta jatqan. Aıaq astynan kóz jumdy degen Kelvın oıanyp, sý suraǵan.

Bólmede otyrǵan adamdar men balanyń ákesi Antonıo Santos tańyrqap, shoshyp qalǵan. Sonan soń búldirshin qaıtadan tabytqa jatyp, sol boıy oıanbady. Balany qaıtadan dereý aýrýhanaǵa jetkizip, dárigerge kórsetken, alaıda dáriger onyń ólgenin aıtady. Medbıkeler balany alǵash óldi dep málimdeme bergen sáti men tirilip ketkenge deıin arada 20 saǵat ýaqyt ótken bolatyn.

Aýdarǵan: Nazerke Labıhan