Stokgolmde bolǵan terakttyń saldarynan 4 adam qaza tapty, bir kúdikti ustaldy, dep habarlaıdy Qamshy aqparattyq agenttigi RIA jańalyqtar qyzmetine silteme jasap.

«4 adam qaza tapty, 12 adam jaraqattandy, qylmysqa qatysy bar degen bir kúdikti ustaldy», dep jaýap berdi Stokgolmdegi polıseı qyzmetkeri Lars Bıstrem SVT telearnasyna bergen suhbatynda.

Qala polıseıi Ian Evenssonnyń málimetinshe, kóshedegi top adamdy qaǵyp ótken kólik júrgizýshisi tabylmaǵan, tek polıseı júrgizýshige uqsaıtyn adamdy tapqan. Ol ázirshe basty kúdikti retinde ustalyp otyr.

Pres-konferensıa barysynda polıseı terakt saldarynan 4 adamnyń qaza taýyp, 15 adam jaraqat alǵanyn málimdedi.

Aıta keteıik, 7 sáýirde Stokgolmde terakt oryn aldy. Júk kóligi joǵary jyldamdyqpen Drottnınggatan kóshesinde serýendep júrgen birneshe adamdy qaǵyp ótti. 550 metr júrip ótip, artynsha Ahlens saýda úıine kelip soǵylǵan. Tergeý nátıjesinde júk kóliginiń Spendrups kompanıasynan urlanǵany anyqtaldy.

Shvesıa premer-mınıstri Stefan Leven Stokgolm ortalyǵynda jaıaý júrginshilerdi qaǵý oqıǵasyn terakt dep baǵalady.