AQSH-tyń prezıdenti Donald Tramp QHR tóraǵasy Sı Szınpınniń Qytaıǵa shaqyrtýyn qabyl aldy. Bul jaıynda AQSH memleket hatshysy Reks Tılerson málimdedi, dep habarlaıdy Qamshy aqparattyq agenttigi sheteldik BAQ-qa silteme jasap. Búgin Memleket basshylary Mar-a-Lago vo Florıdada kezdesti. Tramptyń osyǵan deıingi Qytaı týraly jaǵymsyz pikirine qaramastan eki memleket basshysy eki jaqty kelisimmen jańa qarym-qatynas ornatpaq. Ázirge memleket basshylarynyń oıynda ne bar ekeni, qandaı saıasat ustanyp otyrǵany túsiniksiz bolyp otyr. Memleket hatshysynyń aıtýy boıynsha Tramptyń Pekınge baratyn ýaqyty keıin belgili bolady. AQSH-tyń saýda isine baılanysty mınıstri Ýılbýr Ross jýrnalıserge suhbat berý barysynda Sı men Tramp AQSH pen Qytaı arasyndaǵy saýdadaǵy qıyndyqtardy sheshý úshin 100 kúnge kelisim jasady. Tramp Qytaımen aradaǵy baılanysty «úlken progres» dep eseptedi. Aptanyń basynda Tramp Soltústik Koreıamen mámile jasaýǵa daıyn ekenin aıtqan bolatyn. Sonymen birge keıbir saraptaýshylar juma kúngi AQSH-tyń Sırıaǵa jasaǵan qastandyǵy AQSH-tyń ne jasaı alatynyn jáne de nege daıyn ekendigin Qytaıǵa kórsetý úshin ázirlengen bolýy múmkin degen pikir bildiredi. Soǵan qaraǵanda Qytaıdyń Trampty Pekınge shaqyrýy da beker emes sekildi. Al aradaǵy saýdaǵa baılanysty kelisim jaı syltaý sekildi bolyp kórinedi. Al Sı Szınpın Sırıaǵa kóńil aıtyp, Tramppen aradaǵy kelisimge myń sebep bar, al ony buzýǵa eshqandaı sebep joq ekendigin málimdegen. Biraq ol sebepterdiń barlyǵyn naqtylap aıta qoımady.
Aýdarǵan: Ásel Óteshova
