Shvesıa polıseıleri Stokgolmdegi teraktige qatysy bar delingen ekinshi kúdiktini ustady, - dep habarlaıdy Qamshy aqparattyq agenttigi Reuters portalyna silteme jasap. SVT telearnasynyń málimetinshe, er adam Stokgolm qalasynyń mańynda qamaýǵa alyndy. Sondaı-aq, sońǵy málimetter boıynsha, teraktiden qaza tapqandardyń sany tórtke jetip, on eki adam jaraqat alǵan.
Eske sala keteıik, Stokgolm qalasyndaǵy jaıaý júrginshilerge arnalǵan Drottnınggatan kóshesinde júk kóligi bir top adamdy qaǵyp, úsheýin mert qyldy, taǵy segiz adam jaraqat aldy. Bul týraly Shvesıa radıosy oqıǵanyń kýágerine silteme jasap habarlady. Polısıa jaıaý júrginshilerdi qaqqan kúdiktini ustady.
