Elimizde memlekettik qyzmetkerlerdiń jumys ýaqytynda dinı joralǵylarǵa qatysýyna shekteý qoıylýy múmkin. Bul týraly «Qamshy» aqparat agenttigi ulykosh.kz-ke silteme jasap habarlaıdy. 

Bul týraly QR Din isteri jáne azamattyq qoǵam mınıstri Nurlan Ermekbaev málimdegen.  Mınıstr habarlaǵandaı, qazirgi ýaqytta dinı qyzmet pen dinı uıymdar týraly zańnamaǵa ózgerister men tolyqtyrýlar engizý týraly zań jobasynyń konsepsıasy ázirlenip jatyr.  «Qysqasha toqtalsam, negizgi normalardyń ishinde kámelettik jasqa tolmaǵandardy dinı qyzmetke tartýdyń, din salasyndaǵy zańdardy buzýdyń jaýapkershiligin arttyrý bar. Sonymen birge qoǵam tarapynan dinı ádebıetti kámelettik jasqa tolmaǵandarǵa satý, memlekettik qyzmetshilerdiń jumys ýaqytynda dinı qyzmetke qatysýyna shekteý qoıýdy usynyp otyr», — dedi Ermekbaev mınıstrlikte ótken otyrysta.

Mınıstr atap ótkendeı, birqatar ózgeris dinı ádebıetti taratý, dinı saraptama júrgizýdi jetildirýge baǵyttalǵan. Budan bólek, zań jobasynda mısıonerlik qyzmetti jáne shetelde dinı bilim alýdy retteý boıynsha da normalar qarastyrylǵan.

«Qoǵam usynyp otyrǵan barlyq bastamalar qoǵammen, sarapshylarmen talqylanatyn bolady. Zań jobasyn májiliske bıylǵy jyldyń sońyna deıin engizýdi kózdep otyrmyz», — dep tolyqtyrdy Ermekbaev.

Mınıstrliktiń dál osyndaı sheshim qabyldaýy Eýropada jumysshylarǵa qoıylyp jatqan talaptarǵa baılanysty bolýy ábden múmkin. Bárimizge belgili, Eýropada qazirgi tańda dinı atrıbýttardy taǵý men dinı joralǵylardy ustanýǵa tyıym salynyp jatyr. Jáne osyǵan baılanysty birneshe zańnamalar da qabyldandy.