Nursultan Nazarbaev Shvesıa Koroli XVI Karl Gýstavqa Stokgolm qalasynda bolǵan terrorlyq aktige baılanysty kóńil aıtý jedelhatyn joldady, - dep habarlaıdy «Qamshy» aqparat agenttigi  Tengrinews.kz-ke silteme jasap. Jedelhatta Stokgolmdegi terrorlyq akt saldarynan adamdardyń qaza bolǵany týraly habardy Memleket basshysy zor kúızelispen qabyldaǵany aıtylǵan. "Biz Shvesıa halqy men úkimetiniń halyqaralyq terorızmge qarsy turý nıetin qoldaımyz. Qaza bolǵandardyń otbasylary men jaqyndaryna Qazaqstan halqynyń jáne jeke ózimniń atymnan kóńil aıtamyn. Zardap shekkenderdiń tezirek saýyǵyp ketýine tilektestik bildiremin", - delingen jedelhatta. Eske sala keteıik, Stokgolm qalasyndaǵy jaıaý júrginshilerge arnalǵan Drottnınggatan kóshesinde júk kóligi bir top adamdy qaǵyp, úsheýin mert qyldy, taǵy segiz adam jaraqat alǵan bolatyn.  Sońǵy málimetter boıynsha, teraktiden qaza tapqandardyń sany tórtke jetip, on eki adam jaraqat alǵan. Bul týraly Shvesıa radıosy oqıǵanyń kýágerine silteme jasap habarlaǵan edi.