Birinshi orta salmaqtaǵy WBO Intercontinental jáne WBA Fedelatin tujyrymdary boıynsha álem chempıony Qanat Islam kelesi kezdesýge daıyndalý úshin AQSH-qa attandy, dep habarlaıdy Qamshy aqparattyq agenttigi vesti.kz-ke silteme jasaı otyryp. 

Otandasymyz kelesi jekpe-jegine daıyndyqtaryn jalǵastyrý úshin búgingi tańda AQSH-qa jol tartty. Jýyrda ǵana laqap atyn "QAZAQ" dep ózgertken bylǵary qolǵap sheberimizdiń PR menedjeri Berik Sultannyń aıtýynsha, Qanat Islam kelesi kezdesýine Maıamı qalasynda daıyndalady. Al onyń qarsylasy bir aptanyń ishinde belgili bolady eken. 

Aıta keteıik, Qanat Islam kásipqoı bokstaǵy óziniń sońǵy jekpe-jegin 18 aqpan kúni AQSH-tyń Delaver shtatynyń Ýılmıngton qalasynda ókitizip, brazılıalyq Robson Assısti birinshi raýndta nokaýtqa túsirgen bolatyn.

Kelesi kezdesýin ol mamyr aıyna josparlap otyr. Sol kezdesýden keıin boksshymyz elge oralyp, 9 qyrkúıekte Astanadaǵy "Saryarqa" sport kesheninde jekpe-jek ótkizedi. Bul kezdesýde ol Búkilálemdik boks keńesiniń (WBC)  belbeýi úshin jekpe-jek ótkizýi múmkin.