Almaty oblysynda polısıa bir tabyn sıyrdyń ýlanýy týraly qylmystyq is qozǵady, is boıynsha 52 jastaǵy aýyl turǵyny kúdikti bolyp otyr dep habarlaıdy «Qamshy» aqparattyq agenttigi Sputnik Qazaqstan agenttigine silteme jasaı otyryp.

7 sáýir kúni Panfılov aýdany polıseılerine Qońyróleń aýyly turǵyny habarlasyp, maldyń jappaı qyrylǵandyǵy týraly jetkizdi. Aýyl turǵyny aryzynda kórsetkendeı, eki apta ishinde belgisiz sebepterden 12 sıyry ólgen.

İri qara malynyń jappaı qyrylýyna er adam týysqan áıeldi aıyptady, onyń aıtýynsha, áıel adam tabyndy belgisiz zatpen ýlapty-mys. İstiń mán-jaıyn anyqtaý barysynda belgili bolǵandaı, ózara múlik bólisý kezinde aryz berýshi men kúdiktiniń arasynda kıkiljiń týyndap, tipti uzaq ýaqyt boıy sottasqan kórinedi.

Degenmen, aýdandyq polısıaǵa túsken ótinish boıynsha tergeý bastaldy. Tıisti saraptamalar taǵaıyndalyp, sonyń nátıjesi boıynsha prosestik sheshim shyǵarylady. Aýyl turǵyny materıaldyq shyǵynyn 2,5 mıllıon teńge shamasynda dep eseptep otyr.