Túrkıanyń ońtústik shyǵysyndaǵy Dıarbakyr qalasynyń ortalyǵynda úlken jarylys boldy, dep habarlaıdy «Qamshy» aqparattyq agenttigi.
DHA habarlaýynsha jarylys terorızmge qarsy kúresetin polısıa bólimshesiniń dál janynda bolǵan. Ǵımarattyń polısıa bronıtehnıkasyn qaıta jóndeıtin sheberhanasynyń kúli kókke ushqan. Tórt adam jaraqattanǵan, zardap shekken bir adamnyń jaǵdaıy aýyr delingen habarlamada.
Jarylys gaz balonynan shyǵýy múmkin. Polısıa bul jaǵdaıdyń terrakt bolýy múmkin ekendigin habarlaǵanymen, ázirge naqty aqparat taratylǵan joq.
Dıarbakyr qalasy Túrkıadaǵy kúrdter astanasy. Aımaqta memlekettik statýsy joq Kúrdstan Jumysshylar partıasyna(KJP) qarsy antıterorlyq áreketter júrgizilip jatqandyqtan, bul baǵyttaǵy týrızm jumystary toqtatylǵan.
Aýdarǵan Aqnıet Tólendi
