Jarty jyl buryn Mehıkodaǵy aýrýhananyń birine 24 jastaǵy qyz kelip tústi. Dárigerler ony júkti eken dep oılaǵan. Alaıda qyz ishiniń úlkendigi júktilikke baılanysty emes ekenin aıtqan.

Qyzdyń ishi óse bastaǵanda ol tolyqtyqtan dep oılap, dıetaǵa otyrǵan, sportpen shuǵyldanǵan. Salmaq tastasa da ishiniń kólemi ózgermegen. Kerisinshe ulǵaıa túsken. 

Dáriger qyzdy últra dybysty tekserýden ótkizgen. Osydan keıin birden ony operasıaǵa daıyndady.

Belgili bolǵandaı, naýqastyń analyq bezinde isik paıda bolǵan. Ony tez arada alyp tastaý qajet boldy. İsik qyzdyń ishki aǵza múshelerine zaqym keltirgen. Qyz aýrýhanaǵa túskende júre almaıtyn dárejege jetken.

Úlken kólemdegi isiktiń ishinde zıandy suıyqtyq jınalýy múmkin edi. Sondyqtan dárigerler ony túbimen alyp tastaǵan.

Erık Henson Vıana operasıa jasaǵan adam. Ol buryn-sońdy mundaı  isikti kórmegenin aıtady. Onyń salmaǵy 32 kelige jetkeni anyqtaldy. Operasıa 5 saǵatqa sozylǵan. Sodan beri jarty jyl ótti. Qazir qyzdyń jaǵdaıy jaqsy. Ol qalypty ómirine qaıta oraldy.