«Borýssıı» fýtbolshylar avtobýsyndaǵy jarylysqa terorızmniń qatysy joq, dep habarlaıdy «Qamshy» aqparattyq agenttigi. Bundaı málimdemeni Dortmýnd polıseı qyzmetkeri jasady.

Vesti.ru portalynyń málimetinshe, quqyq qorǵaýshylar tergeý jumystaryn bastap ketti. Olar jarylystyń sebebin kisi óltirýge nıettengen qastandyq áreket dep boljady.

«Qazirgi ýaqytta jarylystyń naqty sebebi anyqtalǵan joq. Alaıda, biz tótenshe jaǵdaıǵa baılanysty kez-kelgen nusqany qarastyratyn bolamyz, túpkilikti tergeımiz. Bári jospar boıynsha júzege asyp jatyr», dedi Dortmýndtyń polıseıi Gregor Lange.

Jarylystyń saldarynan oıyn 12 sáýirge aýystyryldy. Sondaı-aq, oıyn alańy qatań tekseriste bolady.

Aıta keteıik, 12 sáýirde saǵat tańǵy 6-lar shamasynda «Borýssıa» fýtbol klýbynyń avtobýsynyń mańynda úsh jarylys oryn aldy. Nátıjesinde, Dortmýnd komandasynyń qorǵaýshysy 26 jastaǵy Mark Bartr jaraqattandy. Mark Bartr "Barselona" komandasynan "Borýssıaǵa" 2016 jyldyń jazynda aýysqan.