Shymkent qalasyndaǵy qonaq úılerdiń birinen japonıalyq týrıstiń máıiti tabyldy, dep habarlaıdy «Qamshy» aqparattyq agenttigi TVK arnasyna silteme jasap.
Keshe tańǵy ýaqytta Shymkent qalasyndaǵy qonaqúılerdiń birinen japondyq saıahatshynyń máıiti ózi turaqtaǵan bólmeden tabyldy. Belgili bolǵandaı, sheteldik qonaq 1948 jyldyń týmasy.
Japondyq týrıs OQO-ǵa 10 sáýirde kelip, Otyrar jáne Túrkistan qalalaryna baryp qaıtqan. Sonan soń ol taǵy da bir jerlerge saıahattap barý kerek bolatyn. Alaıda belgilengen ýaqytta shaqyrylǵan jerge kelmegen saıahatshyny gıdter ýaıymdap, ony izdestire bastaǵan. İzdeý barysynda saıahatshy óz bólmesinen óli kúıinde tabyldy. Neden jáne qalaı qaza tapqany áli belgisiz, zorlyq belgileri joq. Qalalyq sot medısınalyq saraptama taǵaıyndap, zertteý jumystaryn bastady.
