Qutqarý qyzmetteri habarlaǵandaı, eldi mekenderdi sý alyp ketý qaýpi joq

Aqmola oblysynda qar kúrt erip, avtojoldardy sý shaıyp ketti dep habarlaıdy Sputnik Qazaqstan agenttigi tótenshe jaǵdaılar jónindegi departamenttiń baspasóz qyzmetine silteme jasap.

Vedomstvonyń málimetinshe, oblystyń alty aýdanynda respýblıkalyq jáne oblystyq máni bar joldardan qar sýy kóterilgen.

"Eńbekshilder aýdanynda Makınsk-Aqsý-Torǵaı respýblıkalyq jolynyń 45-kılometrinde 9 sáýir kúni qar sýy jol tósemin shaıyp ketti, uzyndyǵy 20 metr, jalpaqtyǵy 8 metr, tereńdigi 0,05 metr. Jol ýchaskesindegi qozǵalys qalpyna keltirilgen", — dep málimet berdi tótenshe jaǵdaılar departamenti. Býrabaı aýdanynda keshkisin qar sýynyń asyp ketýinen Shýchınsk-Zerendi joly jabyldy. Tósemdi kúsheıtkennen soń, qozǵalys qalpyna keltirildi. Amqola oblysy Ereımentaý aýdanyndaǵy Ereımentaý-Arshaly tas jolynyń 64-kılometrin qar sýy shaıyp ketti. Basqa jolmen júrýge týra keledi. Erkinshilik-Oljabaı jolynyń 12-kılometrin de sý shaıyp ketken. Óńirdiń tótenshe jaǵdaılar departamenti habarlaǵandaı, eldi mekenderdi sý alyp ketý qaýpi joq. Arnaıy jol belgileri qoıylǵan.