Tanymal ánshi Aıqyn Tólepbergen Instagram paraqshasynda Elbasynyń «Rýhanı jańǵyrý» jobasy týraly aıtyp, Prezıdenttiń latyn álipbıine kóshý týraly usynysyn qoldaıtynyn jetkizdi dep habarlaıdy Qamshy.kz
«Elbasymyz "Bolashaqqa baǵdar: Rýxanı jańǵyrý" jobasyn usyndy. İshinde qazaq áripterin latyn alfavıtine kóshirý týraly usynysty baıqap qaldym. Meniń oıymsha, durys usynys. Birinshiden, myna aqparat pen ınternet zamanynda álemdik ıntegrasıa, aqparat alý máselesin jeńildetedi. Ekinshiden, orys tili men orys tildi aqparat kózderiniń yqpalynan qutylý úshin qajet. Árıne, qıyn tustary óte kóp, biraq túbinde elimizdiń básekelik qabiletine jáne tildiń damýyna úlken yqpalyn tıgizedi degen oıdamyn. (Sýrettegi alfavıt durys emes, jáı nusqa retinde...Al zańdy álippeni ǵalymdar jasap shyǵarady)», - dep jazdy tanymal ánshi.
Eske salsaq, Búgin Qazaqstan Prezıdenti Nazarbaevtyń «Bolashaqqa baǵdar: rýhanı jańǵyrý» týraly maqalasy shyǵyp, saıası talqylaý bastaldy. Prezıdenttiń maqalasynda jaqyn ýaqytta latynǵa kóshý de aıtylǵan. Oǵan saı, Qazaqstan 2025 jylǵa qaraı latyn álipbıine kóshýi tıis. Elbasy bastamasyn halyqtyń qyzý qoldaýyna ıe bolyp jatyr.
