İshki ister mınıstrliginde mınıstr Qalmuhanbet Qasymovtyń tóraǵalyǵymen qorytyndy Alqa otyrysy ótti.  Oǵan mınıstrliktiń ortalyq apparaty, aýmaqtyq ishki ister departamentteri, jergilikti polısıa qyzmetiniń oblystardaǵy jáne Astana men Almaty qalalaryndaǵy basshylyq quramy qatysty.

         Alqa otyrysynda ishki ister organdarynyń 2017 jylǵy qańtar-naýryz aılary aralyǵyndaǵy jedel izdestirý jáne qylmystyq-prosessýaldyq qyzmetiniń qorytyndylary qaraldy.

         Jıynda birqatar aýmaqtyq ishki ister departamentteri men jergilikti polısıa qyzmeti basshylarynyń esebi tyńdaldy.

         Mınıstrliktiń Alqasy óz kezeginde taıaýdaǵy basym baǵyttardy aıqyndap, Halyqaralyq EKSPO-2017 kórmesine daıyndyq barysynda jáne kórmeni ótkizý kezinde qoǵamdyq tártip pen qaýipsizdikti qamtamasyz etý máselesine basa nazar aýdardy. Sondaı-aq turǵyndardyń konstıtýsıalyq quqyǵy men bostandyǵyn qorǵaý, quqyq buzýshylyqtyń aldyn alý sharalaryn tıimdi júrgizý, ishki ister organdaryndaǵy tártip pen zańdylyqty nyǵaıtý boıynsha jedel izdestirý jáne qylmystyq-prosessýaldyq qyzmettiń sapasyn kóterý mindetteri de talqylandy.

         İİM-niń Alqa otyrysynyń qorytyndysynda mınıstrliktiń ortalyq appparaty qyzmeti jáne aýmaqtyq departamentteriniń basshylaryna qaralǵan máseleler boıynsha naqty tapsyrmalar berildi.