Konstıtýsıaǵa qatysty referendým nátıjesi jaıly alǵashqy pikirler aıtyla bastady dep habarlaıdy Qamshy AA www.haberdar.com-ǵa silteme jasaı otyryp.

Fransıa prezıdenti  Fransýa Ollandtyń ákimshiliginen jasalǵan túsindirmede «Túrkıadaǵy referendým nátıjeleri túrik qoǵamynyń josparlanǵan reformalar máselesinde bólingenin baıqatty» delindi. Sonymen qatar, málimdemede prezıdent Taıyp Erdoǵannyń sońǵy ýaqytta jıi tilge tıek ete bastaǵan «ólim jazasyn engizýge referendým ótkizý» máselesine de toqtaldy.  Olland bundaı referendýmnan keıin Túrkıanyń Eýropalyq Keńestiń múshesi retinde qabyldaǵan qundylyqtar men mindettemelerden alystaıtynyn aıtqan.   

Eýropa kóleminde adam quqyqtary, demokratıanyń  joǵary turýyn qorǵaý maqsatynda qurylǵan ári Eýropalyq Adam quqyqtary soty da qaraıtyn Eýropalyq Keńeske  Túrkıa memleketi 1949 jyldan beri múshe.