Venesýela prezıdenti Nıkolas Madýro AQSH-ty memlekettik tóńkeris jasaýǵa daıyndalyp júr dep aıyptady dep habarlaıdy Qamshy AA euronews.com-ǵa silteme jasap. Venesýela sońǵy kezderi saıası jáne ekonomıkalyq daǵdarystyń aldynda tur. Elde jappaı qarsylyq aksıasy júrip jatyr. Seısenbi kúni Madýro qarýly kúsh pen polıseılerge jańa mıtıńilerge daıyn bolýǵa tapsyrma berdi.

«Memlekettik departament (AQSH) 18-shi sáýirdegi málimdemede Venesýelada memlekettik tóńkeristi jarıa etti. Álemdegi tártip pen Vashıngton men parlament spıkeri Hýlıo Borhes úgittep jatqan memlekettik tóńkeristi  boldyrmaý úshin shuǵyl túrde «Samora» josparynyń alǵashqy fazasyn bastaý kerek. Men qujatqa qol qoıamyn. Sondyqtan ol qazirden bastap óz kúshine enedi» dedi Madýro.

Venesýelanyń Ulttyq assambleıasy naýryz aıynyń ortasynda eldegi gýmanıtarly daǵarystyń aldynda turǵanyn moıyndaǵan. İri opozısıalyq partıanyń kóshbasshysy Hýlıo Borhes oǵan el bıligin kinálady.

Ekonomıkalyq daǵdarys Venesýelanyń iri qalalarynda halyqtyń qarsylyq aksıasyna shyǵýyna alyp keldi. Ol ádette polısıamen teketireske jáne qamaýǵa alýmen aıaqtalady. Tek sáýir aıynyń basynda 540 belsendi ustalǵan.