Aqtóbe oblysynyń 10 jastaǵy turǵyny bılik ókilderine úndeý aıtyp, janaıqaıyn jetkizgen vıdeosy jarıalanǵan edi. Kishkentaı ǵana qyzdyń aıanyshty haly qazaq jurtyn beı-jaı qaldyrmasy anyq. Kómektesip, qol ushyn sozǵysy keletinder de tabylyp jatty. Solardyń biri tanymal ánshi Merýert Túsipbaeva boldy, dep habarlaıdy Qamshy AA. Oqýshy qyzdyń janaıqaıyn estigen ánshi birden kómektiskisi keletinin jetkizgen. Bul jaıynda ol Feısbýk paraqshasynda jazdy.

Jazbasynda qyzǵa jany ashyǵan ánshiniń kómektespek bolǵan taza nıetin baıqaımyz: "Kitaptarym sýǵa ketti dep jylamashy, botaqan! Bárin ózim áperemin" dep, tilshilerden qyzǵa qatysty barlyq aqparattardy málimdeýin suraıdy.

Eske sala keteıik, Mahambetov aýylynda turatyn Turǵangúl Eshimova sý tasqyny saldarynan jalǵyz úılerinen aıyrylyp qaldy. Áıeldiń aıtýynsha, júregi nashar kúıeýi úıiniń qalaı qulap jatqanyn óz kózimen kórgen.

Al, kishi qyzdary Mahabbat № 36 mekteptiń 4-synyp oqýshysy kitaptarsyz, kıimdersiz qaldy. Sý tasqynynan japa shekken otbasy esterin áli jımaǵan. Osy jaǵdaıdy eskerip, 10 jastaǵy Mahabbat bılikke úndeý aıtty. Japa shekkenderge laıyqty kómek kórsetpegen bılikti aıyptap, janaıqaıyn aıtyp saldy.