Amerıkandyq stýdent qyz Lızzı Fenton  Karter esimdi jigitke unaý maqsatynda ózi týraly  Power Point-ta prezentasıa jasaǵan. Alaıda súıiktisi mundaı eńbekti asa baǵalaı qoımaǵan. Dese de, qyzdyń ıdeıasy  men kreatıvtiligi jigitke unamasa da Microsoft kompanıasynyń kóńilinen shyqqan.

Bul týraly Qamshy AA The Independent-ke silteme jasap habarlaıdy.

«Menimen ne úshin kezdesýiń kerek» degen suraqqa jaýap bergen birinshi slaıdynda Fenton bylaı dep jazǵan eken:

«Eger seniń otbasyń  jaqsy qyz izdep tappaısyń ba degen suraqtarmen seni mazalasa, "men" sol pozısıaǵa eń úzdik kandıdatpyn».

«Men tamasha áńgimelesýshimin. Kez-kelgen adammen tez til tabysyp kete alamyn. Seniń ata-anańmen de jaqsy til tabysatynyma senimdimin. Meniń kıiný stılim de tamasha. Kez-kelgen meıramda symbatty bolyp júretinime kúmándanbasań bolady »-deıdi Lızzı.

Lızzı Fentonnyń taǵy bir ereksheligi - ol súıiktisiniń polıgamıasymen  de (kóp nekelilik) kúresýge daıyn. Árıne tek ózindik erekshe ádistermen. Mysaly, "túrli shash úlgilerin jasap úsh túrli qyz keıpine aýysa alamyn" deıdi boıjetken.

Tvıtter jelisindegi bul jazbasyn Lızzı naýryzdyń sońynda jarıalaǵan. Osy qysqa ýaqyt aralyǵynda atalǵan jazbasy arqasynda tanymal bolyp ketken. Qyzdyń sózine qaraǵanda Karter oǵan: «Óte tartymdy. Budan bylaı meni mazalamashy» dep jaýap jazǵan.

Súıiktisi baǵalamasa da Microsoft   kompanıasynyń SMM-mamandary qyzdyń kreatıvtiligin baǵalaǵan. Tvıtter –akkaýntyn júrgizetin qyzmetker qyzǵa bylaı dep pikir qaldyrǵan:

«Sen  óziń jaıly taǵy bir mańyzdy nárseni aıtpapsyń:

« Power Point-pen prezentasıany keremet jasaıtynyńdy» dep jazady Tvıtter jelisi.