17 jastaǵy amerıkalyq musylman qyz óziniń syrtqy kıim úlgisine baılanysty túrli pikirler men talas-tartystarǵa tap bolady eken, dep habarlaıdy Qamshy aqparattyq agenttigi sheteldik BAQ-qa silteme jasap.
Bir kúni ol belgisiz adamnan mynandaı mátindegi habarlama alady: «Islamdy qorǵashtaýdy toqtat. Eger sen hıdjabyńdy sheshseń, ákeń seni ońdyrmaıdy.»
Lamıaǵa til tıgizýshiniń pikirinshe, hıdjabty musylman áıelder májbúrlikten taǵady eken. Osyǵan baılanysty Lamıa hıdjabty sheshetin bolsam, ákem qalaı qabyldar eken dep, ákesine habarlama jazady. Ákesiniń qyzyna bergen jaýaby kútpgen jańalyq boldy.
«Kúnim, bul sheshimdi men qabyldamaımyn. Basqalar da sen úshin sheshim qabyldamaıdy. Eger sen durys dep oılasań, hıdjab kımeseń bolady. Men seni qandaı jaǵdaı bolsa da qoldaýǵa daıynmyn» - dep jaýap qaıtarǵan.
Osy jaıttan keıin ózine dóreki sózder jazǵan beımálim janǵa jaýap retinde ákesiniń osy jaýabyn áleýmettik jelige jarıalap, 100 myńdaǵan lúpil jınaǵan.
«Osy oqıǵadan keıin kóptegen adamdardan jyly sózder jazylǵan habarlamalardy aldym. Olardyń ishinde Islam týraly bilgisi kelgender de boldy»,- dep qýanyshyn jasyrmady Lamıa.
Lamıa musylmandar týraly durys emes aqparattar men qate qaǵıdalardy joıǵysy keledi.
«Adamdar Islam dini qatygezdik pen qataldyqtan, áıelderdiń quqyǵyn shekteýden quralady dep túsinedi. Bul pikirdi jaqtaýshylar din týraly bilmeıdi nemese ózge senimdermen shatastyrady dep oılaımyn. Islam – eshkimdi májbúrlemeıdi, kúshtemeıdi», - dep túsindiredi musylman qyz.
Keıbir áıelderge hıdjabty kúshtep kıgizedi. Bul – durys emes. Lamıa ondaılardyń qatarynan emes. Barlyq adamdar birdeı emes sekildi, musylmandardyń barlyǵyn qatygez dep aıtý da durys pikirge jatpaıtyndyǵy belgili.
«Men hıjdjabty óz erkimmen kıdim. Sebebi, hıdjab kıý arqyly ózimdi suq kózderden qorǵaımyn. Ol meniń Qudaımen qarym-qatynasymdy jaqsartady. Men hıdjab kıgen kezde óz sózim men isime mán berip, qadaǵalap otyramyn. Islam týraly túrli jala men ótirikke senip júrgenderge bir ǵana keńesim bar, jaı ǵana kez-kelgen musylmanmen sóılesip kórińiz sonda ózińizdiń qateleskenińizdi túsinesiz».
Qazir jańa ǵasyr, adamdardyń syrtqy kelbeti men kıimine qarap baǵalaýdyń qajeti joq. Syrtqy beıne, kelbet eshteńe sheshpeıdi. Bireýler hıdjab dese, bireýler oramal dep ataıdy. Ataýynda turǵan eshteńe joq. Tek ózgelerdiń dini men senimin syılaı bilsek, qoǵamdaǵy kıkiljiń de toqtar edi. Qazirgi qazaq jastary da, orta býyn ókilderi de shatasatyny, shatastyratyny taǵy bar. Dini bólek Amerıkada oramaldy erkin taǵyp, Islamdy ózgelerge túsindirip júrse, dini Islam bolǵan qazaqtyń keı jandary ózderiniń ata dinimen kúresip jatyr.